DPA :د افغان شکنجه کونکی شیخ سپین وخوت
سرچینه: د آلمان ډې پې اې آژانس
ژباړه او ترتیب:میرویس جلالزی
د آلمان خبري آژانس ډې، پې، اې خبر ورکړی چې هغه عربي شیخ ته یوې محکمې برات ورکړی چې د یوه افغان په شکنجه کولو تورن وو.
تیر کال یوه امریکایې خبري ټلویزیون داسي یوه ویدیویي پټه خپره کړه چې د اماراتو د امیر ورو شیخ عیسی بن زاید النحیان یو افغان په ډیره زړه بګنونکي توګه شکنجه کوي.
په فلم کې ښکاریدل چې شیخ عیسی د افغان په خوله کې شګې ور منډي، په اور یې کښینوي، په قمچین یې وهي ډبوي، په زخمونو یې مالګی ور اچوي، په موټر پسې یې کشوي او په ټوپک باندي د هغه د ډارولو لپاره د هغه ګرد چاپیر ډزي کوي.
د العین ښار یوې محکمې پرون شیخ عیسی سپین وګاڼه او حکم یې وکړ چې نومړي د دغې شکنجې پر مهال داسي درمل خوړلي ووچې په ځان نه پوهیده او په ښه روغتیاېې حالت کې یې قرار نه درلود.
هغه افغان چې د شیخ عیسی له لوري شکنجه شوی وو شاهپور نومیده.
شیخ عیسی بن زاید النحیان د دغې ویډیو له خپریدو وروسته ویلي وو چې دا د ده د سوداګریزو رقیبانو کار دی تر څو له دغې لاري له ده څخه پیسې وشکوې.
د عیسی مدافع وکیل د جرمني آژانس ته وویل چې نوموړی په دې عمل زکه ملزم ندی چې د جرمي عمل پر مهال یې درمل خوړي وو.
شیخ عیسی په جنسي تجاوز، وهل ټکولو او انسانیت ته د توهین په جرم محاکمې ته وړاندي کړای شوی وو.
د هغه مدافع وکیل حبیب الملا وویل چې ده د خپل موکل د بي ګناه ثابتولو لپاره ډیري هلي ځلي وکړي او بلاخره چې حق حقدار ته ورسید.
الملا وویل چې دا ویدويي تصاویر د بسام او الحسن له لوري چې د شیخ عیسی کاروباري شریکان ول اخیستل شوي وو تر څو له هغه څخه پرې څه وشکوي خو هغوي مجرم ثابت شول او هر یو په پینځه پینځه کاله بند محکوم وپیژندل شول .
د عربي متحده اماراتو د بشري حقونو او قضا په اعلامیو کې د دغو تصویرونو خپرول په کلکه رد کړای شوي وو.
د بشر د حقونو نړیوالو سازمانونو تر اوسه د العین ښار د محکمې د دغې پریکړې په اړه تر اوسه خپل غبروګون ندی ښولی.
