وخته خسته شوي یو مرګون دی پدې کلي کي
هر وګړی خدایه ! ځیګرخون دی پدې کلي کي
تور او سپین په نوم باندي مړه کیږي دلته خلګ
ورور وژنې ناحقه، څه زبون دی پدې کلي کي
راشئ سوله راولو لاسونه سره ورکړو
څومره ښکلی ښکلی یو قانون دی پدې کلي کي
غواړي ازلي دښمن دسولې رڼا ورکه کړي
څنګه په ازغنه لار یون دی پدې کلي کي
مینې ورورولي له منځه وړي دا نفرتونه
وایمه جنګونه یو جنون دی پدې کلي کي
پورته به د سولې بېرغونه شي حقمله
ملګری مي تاجک بلوڅ پښتون دی پدې کلي کي
