ربه

ته مې پوره کړې دعاکړې ربه
دغه خوبونه می ریښتیا کړې ربه

چی بیا یو بل ته سره وخندیږو
دا ټول قومونه مې پخلا کړی

چې هزاره پښتون ته ورور ووایی
د ژوند خوښی مونږ ته ژر راکړې ربه

دا پشه یی می د ترکمن په لوری
روان په مینه او موسکا کړې ربه

تا جک می هیره ځانځانی کړې نوره
پښتو دده دري زما ګړې ربه

ازبک می ورکړی د یوالی شعار
ډکه له مینی دا فضا کړې ربه

بلوڅ می لاره د قلم ونیسی
ورک دا ټوپک له څلور خوا کړی ربه

نورستانی می سره ګلان وکری
وچ دا غزی د لښکر ګاه کړې ربه

براهوی می قزلبا ش تر څنګه
روان په لوری د صفا کړې ربه

څوک مو چی نه غواړی خوښی او موسکا
مرګ ور روان ددوی په خوا کړې ربه

چی خپل هیواد سره ودان کړو یو ځای
ملی وحدت موږ کی پیدا کړې ربه

مینه) نور څه در څخه هیله نه کړی
خوره د سولې ښه رڼا کړې  ربه