ته دې بس ویاړ کړه په ذلت په ډاګه
زمونږ خوخوښ دی بغاوت په ډاګه
په شنو ډالرو يې زړه وپړسیدی
اوس چې اقرار کړي درشوت په ډاګه
وايي ژغورم خودې له یوه ګاونډي
په بل دې پلورم که عزت په ډاګه
پرون يې ږیرو کې ریال ټولول
نن دشیطان کړي عبادت په ډاګه
دغلا له خونده يې بې بر خې نه یو
بس کله کله کړو الفت په ډاګه
مونږ محبت په خوله راوړلی نه شو
دوی څنګه کړي دومره نفرت په ډاګه
پرون دې وې غم دې په اوښکووینځم
نن مې دسر اخلې قیمت په ډاګه
(حسن) دزړه په اور شیندلې وینې
بس دی نورواېي حقیقت په ډاګه
-لندن
