دخپریدو نیټه : 2010-12-03 مخپرونکئ : 039 - دبېنوا اداره - کابل
غزل
نجیب الله آرین
د مینې لېونتوب مې تر زندانه رسوي
بس غمونه دي چې اښکي تر ګرېوانه رسوي
دچا په دې جهان کښې د زلت جنازه باسي
او څوک بیا دغه مینه تر ایمانه رسوي
د جانان مې دغه یو دستور له نورو نه جدا ده
چې زخم راکړي بیا مې تر درمانه رسوي
چې ورک شمه له ځانه د شرابو په رنګو کښې
بیا خپله بې خودي مې تر خپل ځانه رسوي
لکه سرو ته چې د سرو زرو اوبه په مينه ورکړي
چې کله هم دا شونډي تر پېزوانه رسوي
ژوندون به ېي له ډېرو دښتو تېر کړي
منزل چې څو ارین تر ګلستانه رسوي
(لندن)
