د لرګو سترګې

طنز
موږ خوښی دی د نوری بلا سترګې
نه څیری لکه دپیریانو ستا سترګې
دنیا ډکه ده دسپين سترګو خلکو
هیڅ تور نه لري  دا  بې حیا  ستاسترګې
  موږ په هره پېښه   تاته سترګې په لاره یو
هله کمیسیون بیا وینو  څوړی ستا سترګې
موږ  په سا ویسا سترګې درته نیولي
ګوندې  لندې شي دا وچي ستا سترګې
د ولس  په سترګو کې مه  شینده خاوره
خوړلی دی  د پښتون سره ستا سترګې
ستا سترګې له اوله  سپينې او مړې وې
ازغی شو  دی موږ ته اوس   دا سترګې
زموږ په سترګو کې اوبه دي ولاړي
خووچي دي  دا ستا پرینګا سترګې
 موږګاللي تر اوسه ډیری تنګي سترګې
نشو زغملی  دکنج لیده داستا د سترګې
کونډه چي سترګي توروي مېړه غواړي
تاډ یر لري  ولي توروې بیا بیا سترګې
وايي سترګې له سترګو نه شرمیږي
خوډیر ویتي  دي دا ستا سترګې
یو سترګی لا ټولو ته په  یوه  ګوري
ولس ته په دوو ګوري دا ستا سترګې
موږ ته ستا ړنده سترګه څه وېښه څه ویده
 ګل ته د اوښ په سترګو ګوری سا سترګې
دخلکو یوه سترګه په دین بله په دنیا وي
دواړه ښخي دي په دنیا داستا سترګې
 
کنایی او وییونه
سترکې په لاره ( منتظر)؛سپین سترګي کول ( نه منل )؛ په سترګو کې خاورې اچول( ختا ایستل)؛تنګ سترګي( بخیل)
 ؛سترګه نیول ( امید لرل)؛د سترګو کنج ( لږ پام):د سترګو ازغی (  بدنیت):سترګي درنول(بد بین)؛زما په سترګو کې اوبه ولاړی( څه ویلای نشم)
؛سترګه سره خوړل( دښمن کیدل)؛سترګي د لرګو کول( شرم نه لرل)؛څوړی سترکې( کښته سترکې)؛سترکې څیرل( بی حیا ) ویت سترګې ( بی حیا)
پرینګا ( ګوږ سترکې)؛