توپکه تا به ماتوم توتوپکه
تا به له ملکه ورکو توپکه
زه دی خراب کړم خراب به شی ته
پخپل قلم دی ټکوم توپکه
توپکه تا کړل زما ورونه رامړه
تاپه زلمیانو کړل مرګونه ماړه
هره ورځ ته زما جنازی ته ناست یی
زه به تا حتما سوځوم ټوپکه
ټوپکه ستا په یارانه کی ګوره
زما یاران له مانه وتښتیدل
خپل می، پردی، پردی، پردی شوه راته
ټول انسانان له مانه وتښتیدل
ستا خو دی خاوری شی یاری ټوپکه
دامی له ملکه ورکوی ټوپکه
کورکنډواله شو ښار می لوټی لوټی
دامی نړی کی سپکوی ټوپکه
ټوپکه تابه ورکو ټو پکه
نوربه دا اوښکی دروم ټوپکه
دا دکلونو او پیړو غمیزی
نوزادی وایی ختموم ټوپکه
