یو زه وم یوجانان او د یدنونه یوه شپه
له طرف نه اوریدل ګلونه یوه شپه
دشونډو په شرابو می اوبه کړله پریمانه
دډیره وخته تږی ارمانونه یوه شپه
...دانن چی دی کوڅه کی د پښو خاوروته ملنګ یم
ما ستا پر مړوند کړیدی خوبونه یوه شپه
ټوپکه ځوانیمرګ شی دغه ټوله ستا دلاسه
په ساندو مو بدل سوه اتڼونه یوه شپه
لوګری دځوانیو وه راغلی زموږ ترکلی
بی شماره رغړیدله چی سرونه یوه شپه
ټول کلی راته اور شو چی رخصت دی رانه واخیست
دغمه په ژړا وه اسمانونه یوه شپه
نیژدی و چی(همدرد) دی وای وژلی په ځوانی کی
کول چی دی په سترګو ګوزارونه یوه شپه
هندوستان نوی ډهلی ۰۳نومبر ۲۰۱۰
هلمند ګرشک
