موږ شاعران یو دجهان لیوني
غم وي دبل، موږ سرګردان لیوني
د تخیل په آسمانو کي اوسو
ځکه مو بولي ټول زمان لیوني
دنورو غم ته ځای په زړه کي ورکړو
بیا لټوو ورته درمان لیویي
خبر د زړونو کړو د نورو خلکو
ځکه مو کړي عاشقان لیوني
دشعر په بیت کي سمندر ځایوو
په دې هنر کړو ډیر حیران لیوني
نه له پاچا نه له ملا ډاریږو
مخامخ کړو ورته بیان لیوني
سید هم ځکه شاعري شروع کړه
په هریو ښکلي یو ډیر ګران لیوني
-لندن
