دخپریدو نیټه : 2011-03-09 مخپرونکئ : 039 - دبېنوا اداره - کابل
غــــــــــــــزل
واحدیارعبدالرحیم زی
خپلوکې وژنوپه ښکاره وسله له بله اخلو
له دې دردواوکړاووبه عبرت کله اخلو؟
په اوريې سوزوپه وطن موزړګى نه خوږيږي
که خداى کول له خپله اوره به اورخپله اخلو
دڅوپرديوپه لمسون ورانووخپل کورونه
چې لاس موورسي رسا غچ له کابله اخلو
ګل چې رانيسوپه اغزوزمونږ زخمي شي ګوتې
پاڼې يې ورژوومونږ بدله له ګله اخلو
دسرسړوته واحدياره په درنه نه ګور
چې کله مړه شي نوبلايې له کاکله اخلو
