دخپریدو نیټه : 2011-04-16 مخپرونکئ : 039 - دبېنوا اداره - کابل
ملی ګټې
میرنواز روهین
دملی ګټو په سر چه سودا کاندی
پخپل کوراوپه ټبر چه سوداکاندی
چه پاړونی دخورمورپلوری په نورو
دپېغلوټو په ګدر چه سوداکاندی
په رښتیا چه افغانیت کې به یې شک وی
دوطن په لراوبر چه سودا کاندی
داغیارپه خوله چه کوردافغان وران کړی
په کابل او پېښور چه سودا کاندی
په چل ول چه خطا باسی زموږ خلک
په مېړانه او سنګر چه سوداکاندی
خپله ژبه چه پرېږدی او بله وایی
دود دستور اوپه هنر چه سودا کاندی
داسلام په نوم چه سپکه داسلام کړی
په محراب او په منبرچه سوداکاندی
چه روا ګڼی تقسیم د دښمنانو
اباسین او په خیبرچه سوداکاندی
روهین وایم داآفغان نه دی بل څوک دی
زوی دلوی افغانستان نه دی بل څوک دی
جرمنی - اوفن باخ
