غزل

ستادښایست ستورو بېګاماسره شپه کړې ده
ته به راځې تا خو له ماسره وعده کړې ده
رقیب وژلم،ماخندل ،ماورته هیڅ نه ویل
نوی مین ومه ما څومره حوصله کړې ده
جینۍ چینار باندې نامه دخپل جانان لیکله
جینۍ چینار نه او چینار له دې ګیله کړې ده
د مینې ستوري د اسمان تر مدار ورسېږي
ستورو له زړونو سره څومره یارانه کړې ده
د لېونۍ زړه ته سلام دې څومره صبر کوي
زما په نه شتون کې یې څومره ګوزاره کړې ده
تلاشه مړ شې!ملا هر څه وايي مه یې منه
تا چې زړګي ګټلي تا خدای ته سجده کړې ده

۱۳۹۰=۲=۱۹
جلال ا باد –