دخپریدو نیټه : 2011-06-03 مخپرونکئ : 039 - دبېنوا اداره - کابل
کشمير غواړو
اټک يوسفزی
پروت جنت کې په انګار يم ګنهګار يم
ګنهګار يم ګنهګار يم ګنهګار يم
هر يو کاڼی يې سره زر لال او مرجان دی
خزانو کې چې زه خوار يم ګنهګار يم
چې نه يار لرمه زه او نه ريبار څوک
نه دلبر يم نه دلدار يم ګنهګار يم
چې لړم غوندې خپل ذات خورمه پخپله
لوی قاتل يمه ښامار يم ګنهګار يم
که کشمير او فلسطين غواړم غازي يم
چې اټک غواړم په دار يم ګنهګار يم
/ کامه
