ګرانو ورونو السلام علیکم ورحمت الله وبرکاته
په ډیره خواشینۍ سره مو خبر تر لاسه کړچې د نا معلومو ټوپکیانو له خوا د چپرهار د درې یو تاند ، څپاند ، علمي او ټولنیزه څیره ذبیح الله (( بزګر)) د شهادت لوړ مقام ته ورسید او د تل لپاره یی ددې فاني نړۍ څخه سترګې پټې کړی ، روح دې ښاد وي او یاد دې د تل لپاره پا تې وي . انا لله وانا الیه راجعون.
ذبیح الله بزګر د معلم صیب ولایت خان ځوی د غوراباد د قری اوسیدونکی وو، تر لیسانس پورې زده کړي کړی وي د عمر ډیره برخه یی په زدکړو تیره کړې وه ، اوس مهال د ننګرهار په ولایت کی د روشن مخابراتی شرکت سره په دنده بوخت وه .
د چپرهار د دری ټول با درده او مجاهد خلک په ځانګړې تو ګه د چپرهار د ولسوالۍ د محصلینو علمي او پرمختیایی ټولنه د ذبیح الله بزګر د کورنۍ سره پدې لوی غم کې ځان شریک ګڼي اود لوی څښتن په دربارکې د مرحوم د کورنۍ لپاره د صبرجمیل او اجرعظیم غوښتونکي دي او د ذبیح الله بزګر شهادت یوه ملي او نه جبرانیدونکې ضایعه ګڼي.
