ښوونکي ته!

ښوونکیه! تا د کایناتو جوړښت راز ښکاره که
هم دې خالق ورله په ټول صفاتو ساز ښکاره که
د بحر و بر علمي څیړنه کې بشر دې پوه که
هم دې له ځمکې تر اسمان د خدای انداز ښکاره که
د هر موجود بنسټ دې وسپړود په خپل،خپل مضمون
بیا دې اړېکو کې یو بل سره هر راز ښکاره که
تاد ټولنې بد بختیو بیخ که سم را برسیر
د مخلوق مینځ کې دې بې علمه تاخت و تاز ښکاره که
چې پې دخدای د مخلوق ژوند د ترقۍ په لور ځي
تا د ژوندیو ژوند په سمه نیاز او ناز ښکاره که
د حق ناحق او وړ ، ناوړه منځ کې فرق تا وکه
تا د مظلوم جړ و پریکون د حق اواز ښکاره که
د خدای د لویو کایناتو د تنظیم په خاطر
تا د خدایي احکامو هر امر ممتاز ښکاره که
تا د علت او معلول ټول اړخونه وښودلو
تا د تاریخ عمر پوره دور او دراز ښکاره که
تا چې د خدای مخلوق ښیګڼو ته خپل ژوند بښلی
ستومان هم ستا د زحمتونو لوړ اعزاز ښکاره که.