دخپریدو نیټه : 2012-02-28 مخپرونکئ : 039 - دبېنوا اداره - کابل
غزل
نورعلی شاه ځلبلاند
نور دی هيرومـــــــــــــــــــــه نور هرڅه دسينی باسمه
ته که ترينـــــــــــــــــــــه نه وزۍ نو زړه دسينی باسمـه
دومره درد دی څنګه اوله کومــــــــــــــه راله راکړلی
سر می اور اخستی دی لمبــــــــــــــــه دسينی باسمه
يوڅو خوږو شيبو زه له خپل ځانه داسی ورک کړم
هر ځل چـــــــــــــــــــــه راياده شی توبه دسينی باسمه
زما زړه خو اوس دومره نرم شـــوی دی په مينه کی
دشمعۍ غوندي سوځمـــــــــه تياره دسينی باسمه
تا ويل چه ستا (ځلبلاند) نور دجــــــــوړيدو نه دی
نوره ئی دمينی جنــــــــــــــــــــازه دسينی باسمـــــــــــه
