غزل

ستا غمونه ماته څه اشنا ښکاري
چیرته که روا او ناروا ښکاري
زړه مې ستا د زړه کیسه په غوږ اوري
څومره که کڼه دغه دنیا ښکاري
بیا مې د ارمان ناوي ناري وهي
خدای چې نیمخوا راته دنیا ښکاري
(ماوې زه به مخکې درته وژاړم)
سترګي خو د تا نن په ژړا ښکاري
ژونده! ماویل زه دی قرباني یمه؟
دلته خو هر څوک راته سودا ښکاري؟
بیا دزړه ټوټې په لاس را ټولي شوۍ
ورانه مې د هیلو ډولې بیا ښکاري
ستا غم او زما غم سره یو دی نن!
شوڼډو دا وعده نن د رڼا ښکاري!