تا به نه خواروو

وطنه ځان به خواروو بس تابه نه خواروو
خپل ژوند ودان به خوارووبس تابه نه خواروو
پاتې که وی یوڅاڅکی وینه چه ستا کار پرې کیږی
زړه اوشریان به خوارووبس تابه نه خواروو
زمونږایمان، زمونږوجدان دی ستا دعشق پالنه
نه چه ایمان به خواروو، بس تابه نه خواروو
په ملنګۍ که یې ګټو وطنه زار دی له تا
خپل ماشومان به خواروو بس تا به نه خواروو
زموږدستروارزوګانو په دلوی قاموس کې
هربل ارمان به خواروو بس تا به نه خواروو
چه بیله تا وی که جنت اوسی هم نه یې غواړو
دا لوی جهان به خواروو بس تا به نه خواروو
ستا دعمران لار کې به کاندو په سرونو لوبې
روح او روان به خواروو بس تا به نه خواروو
موږافغانانو کړی هوډ چه تا به ساتو مدام
ټول زوړاوځوان به خواروو بس تا به نه خواروو
روهین وعده کړم چه به هر څه کړو له تانه قربان
شعراوداستان به خواروو بس تا به نه خواروو

جرمنی- اوفن باخ
۰۳-۰۳-۲۰۱۲