دخپریدو نیټه : 2012-03-22 مخپرونکئ : 039 - دبېنوا اداره - کابل
دزنګاوات شهید
شرر ساپی
پروت دی يو ګلرنګ په تصويرونو کې
سور په وينو رنګ په تصويرونو کې
بيا د چا په کور ټکه پريوته دی
شور دی او غورځنګ په تصويرونو کې
رايې کړه د جنګ نشه په سترګو کې
چا واړول بنګ په تصويرونو کې
هرې خوا لمبې دي او اورونه دي
هرڅه ښکاري ړنګ په تصویرونو کې
زړه کې مې د درد لاسونه مه وهئ
مه خپروې جنګ په تصويرونو کې
زړه نه يې شرره ننګ وتلی دی
وټوکېده ننګ په تصویرونو کې
