دخپریدو نیټه : 2012-05-12 مخپرونکئ : 039 - دبېنوا اداره - کابل
د افغان مور
رڼآ مومند
مورې لاسونو نه دې جار شم تا انسان روزلې
تا په یوه لاس کې زانګو په بل جهان روزلې
دا دنیا سترګې ړندې دې دا لیدلې نه شي؟
تا مو تاریخ د حماسو ته میرویس خان روزلې!
مورې قربان دی له زړګي شمه لوګې دې شمه
تا له دردو سره په غیږه کې درمان روزلې
ته مو د مینې عاطفه ته یې ګیډی د ګلو
تا مو احساس د ارمانونو ته جانان روزلې
ته ېې هوا، ته ېې ناهیده، ته نازو د مینې
تا د تاریخ په لمن سور ګوره افغان روزلې
