ستا جدايي کې مې شېبه درنه وي
که خوږه شپه وي هم درنه،درنه وي
په والله ټولې بدمرغۍ به تښتي
که ستا په لاسو کې لمحه، درنه وي
پايښت هم نه لري عمل هم نشته
سپکه شي څو که دې وعده،درنه وي
په رڼا نه کيږي مينه ياره!
کيسې د شپې کو او شپه درنه وي
فرهاد يې وړلی شي شېرېنې مينې
د غره ترسره که تېشه،درنه وي
زما د اوښکو قدر هېڅوک نه کړي
خو په ګلاب شبنم دانه، درنه وي
ته د خپلواک له ژونده څه خبر يې
سترګې يې سرې وي شبګيره درنه وي
۱۳۹۰/۱۲/۲۶
