دخپریدو نیټه : 2012-06-09 مخپرونکئ : 039 - دبېنوا اداره - کابل
دګل خبری
ګل عزیز کامه وال
نن می دګل خوا کښی غوټۍ ولیده
ماته دژوند کیسه یی وکړه ټوله
یوه دانه ومه راشین شومه زه
پاڼی می وکړی څانګی څانګی شومه
بیا خو غوټۍ په خوب ویده ومه زه
یوځل موسکی شوم بیا می وخندلی
ما به خندل او خلک سیل ته راتلل
هرچادحسن می صفت کولو
اوچه اوس پاڼی رژیدلی زما
نه خو څوګ سیل ته راځی
اونه راګوری راته
بس وچ ډنډرکی یم خزان وهلی
که دی رضاوی یا دی خوښه نه وی
داسی خو جبر دزمان وګڼه
که یی منی او که یی نه منی ته
داد خلقت قانون چلیږی داسی
دچا خاطر دچا پروا نه کوی
لکه دژمی مازیګر تیریږی
دژوند کیسه څنګه په شرنګ تیره شوه
لکه دشمعی او پتنګ تیره شوه
ننګرهار - ثمرخیل
