ګلونه دزړګی خوږه جانانه رژیدلی
باغچی دمینی شاړی له خزانه رژیدلی
سندری او نغمی بلبله وایی څه دپاره
ښایسته دګلو پاڼی له خزانه رژیدیلی
ساحل راځنی ورک شولو دوخت په توپانوکښی
داهیلی آرزوګانی می بیشانه رژیدلی
دارنځ دژوندانه می لاعلاجه راته ښکاری
اوستړی امیدونه له درمانه رژیدلی
ماڼې دمینی کړی راته ویجاړی دوخت جبر
باران پری دکلونو په اسانه رژیدلی
راځه تر هدیری پوری ملتیا راسره وکړه
خوږی شیبی دعمر له قضانه رژیدلی
دعشق مدرسه کښی ګل عزیز بریالی نه یم
غزلی می دذهن له دیوانه رژیدلی
۲۰/۶/۱۳۸۹ کابل – کارته نو
