دخپریدو نیټه : 2013-02-08 مخپرونکئ : 098 - دبېنوا اداره - کابل
غزل
طالب جان ابتکار
زړه می په ښکلو کی نیګار جوړوی
یو جګ نری هلک می یار جوړوی
مور یی ده لورستوری روښانه وینی
وربل یی ځکه په تار تار جوړوی
ته چی مخ پټ کړی سترګی هم پوټوه
کنی باڼه دی زړو ته کار جوړوی
په توره شپه کی په اسمان کی ګرځی
زړه می وه ستورو ته مدار جوړوی
ده اسمان ستوری ټول له شرمه پټ سی
کله چی ښکلی خپل سینګار جوړی
... غزل بی ولی خندهوره نه وی
چی بند پر بند یی ابتکار جوړوی
