له مال نه د حرامو د خپل کـور مه ډکوه
له وينو د ملت نه نس د نــور مه ډکـــوه
نه پــــرېږدي الله جنت ته هسې تن
چې حرامو باندې چاغ يې شي بدن
وريادېــږي به دا ټــــول په زلکدن
له اور نه د دوزخ د سترګو تور مه ډکوه
له وينو د ملت نه نس د نــور مه ډکـــوه
دا ځمکې خو پرتې د بيت المال دي
بانکو کې هم پيسې د بيت المال دي
په هره خوا خورې د بيت المال دي
لمن د د مېرمنې له پـــيــــغور مه ډکــوه
له وينو د ملت نه نس د نــور مه ډکـــوه
حرامو نه تړلی د دستــــــــــار دی
د ګلو نېک تايي کې سور کتار دی
په غاړه د ملت د وينو هــــــار دی
بوجۍ له بيت الماله د په زور مه ډکـــوه
له وينو د ملت نه نس د نــور مه ډکـــوه
حرامو نه د جوړ کړل بلـډنګونه
مېـــرمنې ته د واچول هــارونه
په غاړه کې د هر چا يې لاسونه
حرام لاس د مېرمن له بنګړو شور مه ډکوه
له وينو د ملت نه نــــــس د نــور مه ډکـــوه
راټول کړه کورنۍ ته صحتونه
په ټولو دي پراته د غم جالونه
دامونو کې يې ګير دي اندامونه
ژوندونه د لا نور په داسې اور مه ډکوه
له وينو د ملت نه نس د نــور مه ډکـــوه
راشه توبـــــــه وکړه مسلمان شه نور
مه کړه په ځان ظلم با ايـمان شه نور
مال د بيت المال ته ښه افغان شه نور
ناظم شه د وطن په غاړه خور مه ډکــوه
له وينو د ملت نه نس د نــور مه ډکـــوه
له مال نه د حرامو د خپل کـور مه ډکوه
له وينو د ملت نه نس د نــور مه ډکـــوه
