دشهید محمد قاسم

دشهید محمد قاسم سپیڅلې روح ته ډالۍ
ټوله نړۍ په تا خبری کوی
هره ګړی په تا خبری کوی
ته خو یو ښکلی او سپیڅلی شهید
ته يی په ټولو کی ښاغلی شهید
اوس خو یی ځکه ټول ضرور ګرځوی
د وطن پیغلی دی انځور ګرځوی
وینه دی ورکړله ټټر دی ورکړو
سنګر دی ونیولو سر دی ورکړو
ولس یی راویښ ولس یی په ننګ راوړی
د وینو څاڅکو دی اوس رنګ راوړی
دلته خو غرو او رغو چغی وکړی
د وطن ټولو درو چغی وکړی
بوټو او ونو هم سلام کولو
ستا جنازی ته یی احترام کولو
په خپلو وینو دی حسینه کړله
تا د ګوشتی خاوره رنګینه کړله
تا یی سینو ته سپری ماتی کړلی
تا د پنجاب لښکری ماتی کړلی
نوم به دی پاتی وی اوس تل شهیده
زما قاسم زما اتل شهیده