مرسته     |     دپاڼي نقشه     |     ننوتل
دخپریدو نیټه : 2013-05-25   مخپرونکئ : 039 - دبېنوا اداره - کابل

پنجابه

الحاج الهام الدين قيام

 

تادانګرېزپه دستورجوړدی سترفساد،پنجابه
په شيطانت کې خدای درکړی استعداد،پنجابه

ستاپه وجودکې هرګاونډته،سترجنجال جوړشوی
غواړې دبل چاپه ورانۍ کې،خپل مرادپنجابه

ته یی چې مونږته دې داوربلې لمبې ،راوړي
ستاپه بل کړي اورموسوځي ټول هيوادپنجابه

ته مودادرې لسيزې يوورورپه بل ورورقتلوې
ته ېی زمونږدهرشهيد قاتل جلاد،پنجابه

ته په هرکار لکه يهود،اسلام ته زيان رسوې
بريښي چې اخلې هدايت ته له موسادپنجابه

هسې په خوله نارې وهې،اسلام اسلام يادوې
خوپه اسلام باندې دې نه شته اعتقاد،پنجابه

دمنافق په نوم دې ،ټول مسلمانان پيژني
هيڅ مسلمان درباندې نکړي اعتماد،پنجابه

يامسلمان شه،داسلام په لاره سم روان شه
ياپه جرئت وکړه اعلان دارتداد،پنجابه

ته چې افغان غيورملت ته،تل ذلت لټوې
قيام دې غواړي دواړه(دين،دنيا)بربادپنجابه


والدورف/جرمنی

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery