شهید ارمان

    څوک په وطن څوک په هجران کې سوځې
 هر څوک په خپل شهید ارمان کې سوځي
 ګلاب ګلاب امید ته څه و وایم
 لکه سپرلی چې په خزان کې سوځي
 څنګه به هیر شي د وطن ماشومان
 چې د مرمیو په باران کې سوځي
 په شان د هوری او غلمان ښایسته دي
 پیغلې ځوانان افغانستان کې سوځي
 زما غزلی له دردو نه ډکی
 لکه بلبللې په فغان کې سوځي
 خدایه له دی ژونده توبه توبه ده
 چې یو ارمان په بل ارمان کې سوځي
 له غرو پناه زما جانان وطنه
 حفیظ ملیار د په خپګان کې سوځي