اختره څنګه تاته غاړې درکو
چې ګریوانونه مو په وینوسره دي
پیغلې موناستې ھری خواته خفه
چې اخترونه مو په وینوسره دي
مونږه نکریزې په لاسو نه وھو
ھسې لاسونه مو په وینوسره دي
داخترلمونځ به په مندرکې کوو
چې جوماتونه مو په وینوسره دي
زمونږښونځي باندی مېرګندجوړشوی
ټول کتابونه مو په وینوسره دي
جانانه څنګه تری خوندونه وخلو
چې دیدنونه مو په وینوسره دي
طالبه راشه سُجدې ځای اوښایه
زمونږډاګونه خوپه وینوسره دي
نقیبه!اخترکې اتڼونه ھیرکړه
چې درمندونه مو په وینوسره دي
