غزل

ای خدایه سوله راولي زمونږ ملک کښی پخپله
څوک په یو لاره روان یو څوک په بله څوک په بله

د پا ک افغان په خاوره د اورونو سری لمبي دی
د ګوم هد ف د پاره همیشه پکښی جګړي دی
د خپلی نا پوهۍ د لاسه شو خا وري خځله
څوک په یو لاره روان یو څوک په بله څوک په بله

پخوا وه سره ورونه د افغان اولس قومونه
په دغه پاکه خاوره کښی هیڅ نه وه جنجا لونه
په خپل منځ کښی تقسیم شو لو په ډ له او ټپله
څوک په یو لاره روان یو څوک په بله څوک په بله

که دا شان زمونږ حال وی تباه کیږو مونږه ټول
ډ یر ژر به شو نابوده پناه کیږو مونږه ټول
خو داسی به نا بود شو بیا به پورته نه شو کله
څوک په یو لاره روان یو څوک په بله څوک په بله

ای خدایه مونږ راسم کړي سره یو کاږه واږه
د زړو کینه مو کم کړي چی لږ شو سره خواږه
زمونږ د منځه او با سي شخړي تل تر تله
څوک په یو لاره روان یو څوک په بله څوک په بله

(روغواله) پدی ملک باندی راغلی لوي ناورین دی
ددی جګړو د لاسه نن د هر افغان زړه شین دی
د ښمن په خولی تیر نه وزۍ نور یی سم په تندی وله
څوک په یو لاره روان یو څوک په بله څوک په بله
جلال ابا د