دخپریدو نیټه : 2013-10-03 مخپرونکئ : 098 - دبېنوا اداره - کابل
ملی وحدت
نعمت الله پټانزی
هله به ټینګ مـلی وحـدت شی
چی افغــانان په اخــوت شی
نوربه یی ورک هریودښمن وی
که دوی یوموټی یو قـوت شی
راځی په یوه ټــغرراټول شو
چی ګران وطن موپه عزت شی
افغـانان ستړی نورله جنګ دی
جنګ یی تازه په قیــادت شی
دوروولی لاســـونه ورکړی
پکی خوندی چی امــنیت شی
سـولی ته راشی سـوله وکړی
چی په کی لوړموشهــامت شی
پښــتون ،تاجک اوهـزاره ؤ
راځی چی سرموســلامت شی
بلــوڅ ،ازبک اوپشـــیانو
راځی چی ورک موندامـت شی
نورستانی ,عـرب’ کــوجرو
راشی تازه موکرامـــت شی
زماایمـاق ،ترکمــنووروڼو
چی برملاموصــــداقت شی
وطـن موبیاجـوړول غواړی
چی ښایسته لکه جنـــت شی
دنفــاق فکرنورنه ښـــایی
ښه نظام جوړپه عـــدالت شی
(پټانزی) من من خوښی اخـلی
دوحدت نوم چی قـــرائت شی
دخپل وطن خدمت پری پوردی
دغه وینابه یی خــــدمت شی
۱۳۹۲/۶/۲۷
غزنی ،پښتون آباد
