تلم راپريوتم ازغوپه غيږ کې يووړم
خدایزده چیرته وسوسوپه غيږ کې يووړم
د حواسو په لمسون مې خفه نشې
لیونۍ غوندې جذبو په غيږ کې يووړم
له مسکا دې تر ساحل د بدن راغلم
له څپونه دې څپو په غيږ کې يووړم
درته راغلم په سلګو سلګو جانانه
درنه بیا خپلوسلګو په غيږ کې يووړم
ما وو سرد تنهايي په تيږه ايښی
تا تر څڼودبڼو په غيږ کې يووړم
ماشوتوب وو موربه سترګې کړې راتوري
زه به پټ ترې جينکو په غيږ کې يووړم
سلامونه! رانه هیر دې کړو ضالمې
په راتلودې دليموپه غيږ کې يووړم
هسې سترګې مې درنې شوې ويده نه يم
دچا غم د انديښنو په غيږ کې يووړم
که مې سېک نه وو (حسنه) په پښو کې
هر منزل ته تلوسوپه غيږ کې يووړم
