سـتـرګـي لـرو لـکـه ړنـدو غـونـدي نـظـر نـشـتـه دی
د لـیــونــې عــقـــل یـــادونـــو کـې هـــنــر نـشـتـه دی
هر څه لرو مونږ ه د ځان د سینـګار فـکـر نـه کړو
ســوداګـر ګرځـي خـو د امــن مو لښکـر نشته دی
د وطن خـاوره کې ډیـوي د امیـد تـتـي ښـکاري
سـړي لرو مګر ســړو کـې مـو یــو ســر نشته دی
د زړګــي تــنــده پـه ژړا ده د تــاریــخ لـمـن کــې
د سوچ کاروان کې د مئین زړګي رهبر نشته دی
قسمت مـو ځـکه د جـوهـر احسـاس نـه ، لـري تښتې
د تــوري شـپـي پـسـې سـبا زمونـږ سحـر نشته دی
کـلـي تــه راغـلـمـه نسـیـم سـتـوریه دردېـــږمـــــه زه
کنډر کنډر دی هم د پیـغـلـــو مـو ګــودر نـشـتـه دی
