غزل

هر څوک يو مدعا لري رازونو کې
پټې د هر چا خبرې زړونو کې
دا مړ ژواندې زړه مې راژوندی کاندي
څومره ښکلی شور دې پايزيبونو کې
غواړمه چې ټول غمونه هير کړمه
داسې جام ساقي غواړم جامونو کې
داچې په کې تاکړمه انځور ګرانی
داسی توری نه لرم شعرونو کې
داچې مونږ ته سُر دژوندون وښایی
داسی نغمې شته په ربابونوکې؟
ځکه مې دابخت خو اوبو وړئ دی
برخې مې ښې ندي نصیبونوکې
ما نقيب د خوست غرونو ته بوزیء لږ
نور يم ستړې شوی په ښارونو کې