ځم

    د پــارېــدلو ولولو مجنــون احســاس د لاســه
 د تصور په نیلي سپور په خپل جانان پسې ځم
 تورو تیارو کې کړم لټون شپه څیروم په پوهه
 د ځمکــې تــل ته د رنځونو په درمان پسې ځم
 د یار د زنــې خال مین کړم د اسمان په ستورو
 د پښتنــی تکل پــه زور مــاه تــابان پســې ځم
 ما غــورځنګــونو ته دا نگلي ننداره مې کــوه
 په کګلېچونو کې مې لار ده په توپان پسې ځم
 د خوږې مینې لاره نه پرېږدمه ژوند دی ځما
 ګــوره (اشنا) د ملغلــرو پــه بــاران پسې ځم