دعـلم ډیـوه

 
  
 عــلــم ,پـوهه یوه ډیـــــــوه ده ترابــــده
 له زانګـــونه عــــلم زده کړه ترلحـــــده

 شل به نشی چی تری شاته دنوزده کـړه
 څه ښه وایی اول زده کړه بیاکوزده کړه

 لکه څوک چی څراغ نه لری په کورکی
 جهل داسی یوه تیاره ده په هرلـــــورکی

 عــلم, پوهه ښه عمـــــل درلـــــره بویه
 دعـــرفان ډیوه کړه بله ګـــــرانه زویه

 له کـــتاب اوله قـــــــلم سره یاراوســـــه
 دغه باغ کی په ثــمراوپه باراوســــــــــه

 دادځــــــان اودجهــــان دآشنــــــــایی لار
 دادحــــق اودباطـــــل دجـــــــــدایی لار

 ددی بهرپه یوه څاڅکی یی پتمـــن کړی
 لویه خدایه (پټانزی) تری برخمـن کړی