دخپریدو نیټه : 2014-02-23 مخپرونکئ : 098 - دبېنوا اداره - کابل
غزل
امان بیګ شیرزاد
لکه باڼه لکه چشمان دی جانان
چاته به څه وی په ماګران دی جانان
مثل یی نشته ددنیا په ښکلو
لکه دستوری په اسمان دی جانان
دژوندټپه او خوشحالی ده زما
زما په خوله کی یاقربان دی جانان
دمحبت په سیند لاهو یی کړمه
ډوب به می نه کړی قهرمان دی جانان
دنیاکی هیڅ بغیر دده نلرم
زما هستی زما جهان دی جانان
شیرزاده ژونددی طوفانو کی تیرشو
لکه ګلۍ لکه باران دی جانان
