دشبنم يوه قطره واي - دسره گل غيږکي بيده واي
نه مي پلارنه مې نيکه واي- شيرين ژونديوه لمحه واي
دسپرلې پر پله راغلۍ - دغوټيو وديدن ته
درسته شپه مي تيره کړي- داغزيو ولمن ته
دنسیم سره ملګري - دغنچووشګفتن ته
د ګلزارپه تماشه واي- دشبنم يوه قطره واي
دجانان غيږکي بيده واي
یوه اوښکه دخوښي واي - دباڼوڅه اويزانه
ټول مزل مې يورباط وايي- درخساره تر ګرېوانه
په ژړاکي هم مسکا وايي - دحساس زړه له ارمانه
د جهان په تماشه وايي - دشبنم يوه قطره وايي
دجانان غيږکي بيده واي
هم ځواني واي هم جمال واي- په هجران کي لاوصال واي
شهلا سترګي مي کتلاي - دنرګيس دزني خال واي
يونغمه دسوی زړه واي - دبلبل رنګه خوشحال واي
داژوندون یو انديشه واي-دشبنم يوه قطره واي
دجانان غيږکي ويده واې
یادسرولبو پياله وايي - درازونوخزانه واي
دحساس عقل په طمعه-له جنونه مستانه واي
دساقي لاس کي خندانه-دشرابوپيمانه واي
دعيشونو زمانه وايي - دشبنم ېوه قطره واي
دسره گل غيږکي بيده واي
