ستاسوکور

ستاسوکورافغانستان یم
 لوټې لــوټې پروت یوازی پرجهـــــــان یم
 بچوویښ شی ستاسوکورافغانستان یم
*****
دتاریخ زرینې کرښې په مـاویاړی
 دنړی پوهـــــــــان زماکیسی راژباړی
 له هیبته مې غلیم په خوب کې ژاړی
 بې لښکره سرلښکریوقهـــــرمان یم
 بچوویښ شی ستاسوکورافغانستان یم
*****
دنړی خلک په پوهه پسې ګـــــــــرځی
 په کتاب اوقلم دواړوپسی غــــورځی
 پرمختګ اوآبادی کې غورځی پرځی
 زه دامـــــن اودسولې په آرمــــــــان یم
 بچوویښ شی ستاسوکورافغانستان یم
*****
جګړې پریږدی ګټه نشته په بیلتون کې
 زه ډیرخوښ یمه په سوله اوسمـــون کې
 دهیچادپیغــــــــورنه یمه ژونــــدون کې
 زه له اصله ډیرښاغلی قدردان یم
 بچوویښ شی ستاسوکورافغانستان یم
*****
سوری شوی مې سینه ده په مرمیو
 نورمې مـــــه نړوی ســــریم په زاریو
 دباروتو اوراکـــــــــــټوپه لـــــــوګیو
 لاتراوسه لاعلاجه بې درمــــــان یم
 بچوویښ شی ستاسوکورافغانستان یم
*****
میندې مه ژړوی نورې په کــــوڅوکې
 پیغلې مه کونډوی نوری په کوروکې
 مالګې مه دوړوی نورمې په زخموکې
 دړی وړی لاترڅوبه داســــی وران یم
 بچوویښ شی ستاسوکورافغانستان یم
*****
نورپخپله سره یوشی زمابچـــــیانو
 ټوپک مات کړئ قلم واخلی اتلانو
 دپردیوخولوته مه ګوری زلمـــیانو
 چې خپلواک شم ډیرپه بیړه بیاودان یم
 بچوویښ شی ستاسوکورافغانستان یم
*****
خاونددشــرافت اودعـــــزت یمه
 زه خاوره دمیړانې اوغیرت یمه
 زه نښه داسلام اواسـلامیت یمه
(پټانزیه )افتخاردهرافــغان یم
 بچوویښ شی ستاسوکورافغانستان یم
*****
۱۳۹۳/۳/۲۴
 پښتون آباد- غزنی