اجمل پسرلی

اجمل پسرلی د کندز ولايت په چهاردرې ولسوالۍ کې زيږيدلی دی .

تر اتم ټولګي يې د کندز ولايت په تجربوي ليسې کې درس ويلی او ورپسې يې د کابل له غازي ليسې څخه د ١٢ ټولګي سند اخيستی دی .

ښاغلي اجمل پسرلي د سعودي عربستان له سعود پوهنتون څخه په عربي ادبياتو کې د لسانس سند ترلاسه کړی دی .

دۀ له عربي ژبې ژباړې کړي دي او خپله يې هم ګڼې لنډې کيسې کښلي دي .

اجمل پسرلی اوس د چيک جمهوريت په پلازمېنه پراګ کې د ازادۍ له راديو سره کار کوي .

د دوي دوه کتابونه تر اوسه چاپ شوي دي .

لنډې کيسې به څرنګه ليکو ؟ دا د لنډؤ کيسو پر فني اړخ ليکل شوی کتاب دي چې دوی له عربی ژبې پښتو کړی دی او خپلې زياتونې هم لري .

اوبو وړی ، د اجمل پسرلي ناول دي .