ځوابونه

 څلور تنه د څوکيو شاته ولاړ وو ، يو بل ځوان  ترې پوښتنې کولې ، له ځوابونو داسې ښکاريده لکه هغوى چې پوره ويښ نه وي او يا ذهني حالت يې له لاسه ورکړى وي .    

 خبريال وپوښتل : که په لنډه توګه د روغتيا په باره کې  د خپلې برنامې  په اړه څه ووايي ؟
ځواب و� �کونکي  بسم الله شروع کړه او بيا يې د فاتحې صورت تر پايه ولوست .

پوښتونکي به ټينګار کاوه،  چې که  په لنډو ټکو کې که راته خپله بهرنۍ پاليسي بيان کړئ :

ځواب ورکونکي به خوله پرانسته : موږ ټول سره وروڼه يوو ، يو د بل بايد درناوي وکړو او ...  .....

پوښتونکي به ټينګار وکړ چې وخت کم دى ، که په لنډو جملو کې راته ځواب راکړئ ؟
خو ځواب ورکونکي به يوه مقدمه  پيل کړه او ترڅو چې به پاى ته رسيده وخت به يې پوره شو .   

 د پوښتنو او ګډوډو ځوابونو لړۍ دوام درلود ، حيران وم ،  فکر مې کاوه،  کوم رواني � �اکټر راغلى او د خپلو بيمارانو د صحت مند کېدو جاج اخلي .
 کله چې به د کومې پوښتنې ځواب ورکوونکي ، ستونى وچ شو او هرڅه به يې له ياده ووتل ، خپه به شوم  ځان سره به مې ويل : بابا! دلته د  روغو خلکو فکر په ځاى نه دى ، دا خواران   څه ملامت دي ، ولې يې ځوروئ ؟

 زه  لا  هماغه شان  دغو ځواب ورکوونکيو ته  په فکر کې وم ، چې کوربه اعلان وکړ :
زموږ د خپرونې وخت ختم دى  د ولسمشرۍ له کانديدانو هر يوه ... څخه مننه چې  برنامه کې يې ګډون وکړ او زموږ پوښتنې يې ځواب کړې!

 کابل ، د زمري ١٢مه