دا څه حال دی دا څه اورم دا څه وينم دا زمان
خدای د هسې کړه حېران،لکه زه چې شوم حېران
دا چپنه ده که کته که پالان
که خورجينه ده د چور او د تالان
ښه لډر وخت دی راغلۍ ،ښه لډر شول ليډران
دا څه وايې دا څه کاندي د دې وخت زمامداران
په ولا که وکړي دغسې خبرې ماشومان
دا څه حال دی دا څه اورم دا څه وينم دا زمان
خدای د هسې کړه حېران،لکه زه چې شوم حېران
دا چپنه ده که کته که پالان
که خورجينه ده د چور او د تالان
(علرغم) يې خوشحال کړ د کارمل روح او روان
شاه شجاع نه يې اتل جوړ کړ تاريخ کې د افغان
ښه راګير شو لاس تړلۍ بيا په بډو د ايران
دا څه حال دی دا څه اورم دا څه وينم دا زمان
خدای د هسې کړه حېران،لکه زه چې شوم حېران
دا چپنه ده که کته که پالان
که خورجينه ده د چور او د تالان
مصلحت نده جفا ده نن په حق کې د افغان
ډېره کي يې لږکي کړل،لږکي يې ډېرکيان
نن يې غېږه کې نيولي دګورګين او د نادر افشار بچيان
دا څه حال دی دا څه اورم دا څه وينم دا زمان
خدای د هسې کړه حېران،لکه زه چې شوم حېران
دا چپنه ده که کته که پالان
که خورجينه ده د چور او د تالان
يا بې وخته کړي اذان ځېنې چرګان
يا جمات کاندي ناولۍ يا خاوند خپل چيچي سپيان
واوره ما نه چې اجل راشي وزر باسي ميږيان
دا څه حال دی دا څه اورم دا څه وينم دا زمان
خدای د هسې کړه حېران،لکه زه چې شوم حېران
دا چپنه ده که کته که پالان
که خورجينه ده د چور او د تالان
کله ورشي کړي زيارت د قوماندان
کله مشر د جرګې کړي رباني غوندې شېطان
په هر کار کې چل او ول کړي غولوي تل افغانان
دا څه حال دی دا څه اورم دا څه وينم دا زمان
خدای د هسې کړه حېران،لکه زه چې شوم حېران
دا چپنه ده که کته که پالان
که خورجينه ده د چور او د تالان
د قومونو او سمتونو او د ژبو دښمنان
ښه يې ېؤ، ېؤ راټول کړي ګوډاګيان
ښه په لومو کې بند شوي د څارګرو اجنبيان
بېلتانه ته په تدريج تنويروي عامه اذهان
دا څه حال دی دا څه اورم دا څه وينم دا زمان
خدای د هسې کړه حېران،لکه زه چې شوم حېران
دا چپنه ده که کته که پالان
که خورجينه ده د چور او د تالان
چوف منتر باندې چارپېر درنه ماران
مداري ښه سياسي يې ته د دې عصرو زمان
لر اوبر د پښتانه ګړل ټول په زړونو ښه ټپيان
ستا په نوم باندې شرمېږي ټول کرزيان
ځه ورځه ژاړه حامده کله ژاړي بادشاهان
دا څه حال دی دا څه اورم دا څه وينم دا زمان
خدای د هسې کړه حېران،لکه زه چې شوم حېران
دا چپنه ده که کته که پالان
که خورجينه ده د چور او د تالان