دزړه راز

څاڅکی ډیری شوی د سترګو په جامو کی
وړیی نه شم سمندر به ترینه جوړ شی
دومره دروند دمینی راز په ما راخور شو
که یی وتلمه غر به ترینه جوړ شی
لږ څه پام په تورو سترګو لره یاره
که نه ګوره سکندر به ترینه جوړ شی
دزړه رازه که دی ووایمه چاته!
د سهار ختلی لمر به ترینه جوړ شی
د یار یاده که په ما باندی را پيښ شې
د خوښیو مازدیګر به ترینه جوړ شی
ای زړګیه دیار غم په زړه کی مړ کړه
که نه خدای چی ځناور به ترینه جوړ شی
تورو شپو د رڼآ رازپه غیږکی پټ کړی
که نه هسی سپین سحر به ترینه جوړ شی