د منی باد که ښه په غره لګیږی
خو لکه تیر زما په زړه لګیږی
بیا به کوچی لیلا هیل بند ته بوسی
بیا به دری میاشتی په ما څه تیریږی
بیا به قطارد سرو اوښانو جوړشی
بیا به کیږدی له دښته وخوځيږی
بیا به دښتونه بیا بانونه ښکل کړی
کوچی لیلا به دښت کی ونڅیږی
بیا به ددنکو غرونو څوکو ته ځی
بیا به رمی په غرونو وڅریږی
بیا به د زرګی په شان سری منګولی
د دنګو غرونو په سرو تیریږی
بیا به ګلونه د بیا بان را ټول کړی
کوچی به بیا سره ارغوان ټول کړی
بیا به یی پریږدی د اوربل دپاسه
بیا به د ګلو منځ کی و ګډیږی
زما کوچی په ټول نړی کی ښکلی
سپینه سپوږمی توری کیږدی کی ښکلی
په خدای قسم دی په نړی کی نشته
کوچی لیلا ده په ساده ګی کی ښکلی
د منی باد که ښه په غره لګیږی
خو لکه تیر زما په زړه لګیږی
بیا به کوچی لیلا هیل بند ته بوسی
بیا به دری میاشتی په ما څه تیریږی