زه چې انقلاب کوم زما خوښه
ته چې هر څه کاندې هغه ستا خوښه
ما خو تورو شپو ته تیلی ورته که
را به شي که نه دا د سبا خوښه
ما خو ورته وینې د خپل زړه ورکړې
دا چې چمن نه شو د صحرا خوښه
مه کوه فرعونه پرې د زور سجدې
تاته چې یې نه کړي د موسی خوښه
ما خو د سپرلي لمن خوره کړله
لرې چې ترې ګرځي د بورا خوښه
ما خو د باد غوږ کې اوسیلی وکه
دا چې طوفاني شوه د هوا خوښه
ډېره مې قیدي کړه د احساس ډمه
بیا هم چې را درومي د نڅا خوښه
ما خو ځان درمل ټپي وطن ته کړو
نوره نو سرتوره د شفا خوښه…