لاسـونـه مـې پـردي دي د ګـریـوان بـه فـکـر څـه کړم
پـه ګـټـه د خـپل ځـان یـم د تــاوان بـه فـکر څـه کړم
قـسـم مـې دی خـوړلی چې هر څه به ئې په نوم کړم
پـښـتـو نــه لــرې اوســم د ارمــان بـه فـکـر څـه کـړم
د ژونــد پــه انــنـګــو بــه اوس شــوکـارې لـګــومــه
ذهنې د بل غلام یـم د خـپـل ځــان بـه فـکـر څـه کـړم
د خـپـل څــادر د سیــورې لاندې راغلم دې محل ته
څـادر مـې اوس خـرڅ کړی د جانان به فکر څه کړم
رڼــا ورځ چــې تــورتــم کــړم پـه مــالــت د مـحـبـت زه
نـفــرت ســره چــې مــل یــم د ایـمان به فکر څه کړم
نسیم ســتــوري تــه ووایــه خــامــوشــه ســوداګــر یـم
قــلــم دې نـه خــرڅـېــږي د درمــان بـه فـکـر څـه کـړم