ګوره غږ راپسی نه کړي

زه لاړم له دی ښاره ګوره غږ راپسی نه کړي
له ژونده یم بیزاره ګوره غږ راپسی نه کړي

دهجر تور ګریوان می رڼا کړی په ډیوو ؤ
دشپي نه تر سهاره ګوره غږ راپسی نه کړي

د مخ ستورو می اخسته ځلا ستا لمرین مخ نه
اوس ووځم له مداره ګوره غږ راپسی نه کړي

په خوله می نه راځي خو په زړګي می پرتي ډیري
خِیرو نه تر ازاره ګوره غږ راپسی نه کړي

خالي نه ده له ډیرو تیند کونو او کږلیچونو
د ژوند دا ستړي لاره ګوره غږ راپسی نه کړي

بدله کی د وصال ! احمد منلي په ځان هر څه
د دار نه تر سنګساره ګوره غږ راپسی نه کړي