هرڅه لروکه مويومشرمهربان درلوداى
هغسې څوک چه ئې پاک زړه اوکلک ايمان درلوداى
ښکلى هيوادلرودخړوپښتنوټاټوبى
دآتلانوباتورانو ميړنوټاتوبى
دپشه ائي تاجک ازبک اوهزاروووطن
ترکمن بلوڅ نورستاني نوروقوموټاټوبى
کاشکي خپل منځ کې مودمينې کلک پيمان درلوداى
هغسې څوک چه ئې پاک زړه اوکلک ايمان درلوداى
واى په رښتياسره دټولوافغانانومشر
دکونډورنډو غمځپلويتيمانومشر
دظلم لاس ئې دملت له ګريوانه نه لنډواى
نه دڅوتنوقاچاقبرو جاسوسانومشر
ټول صفتونه ئې په ځان کې دآفغان درلوداى
هغسې څوک چه ئې پاک زړه اوکلک ايمان درلوداى
له ګران وطنه ئې واى ټوله دفسادلمنه
دزوراوجبرجنګ جګړواواستبدادلمنه
دځمکنۍ بشپړتيا ننګه ئې په زغرده کړلاى
بياڅيرې نه واى کوم غليم مودهيوادلمنه
زړه کې ئې شوردګران وطن آفغانستان درلوداى
هغسې څوک چه ئې پاک زړه اوکلک ايمان درلوداى
واى په رښتيازمونږتاريخ اوآرزښتونوته ژمن
زموږدخلکوکارناموددوى وياړونوته ژمن
حامي دخاورې آستقلال اودملي يووالي
دخپل اولس په وړاندې کړيوقسمونوته ژمن
قاطع ځواب ئې هرجابرته دزمان درلوداى
هغسې څوک چه ئې پاک زړه اوکلک ايمان درلوداى
کارئې سپارلى اهلېکارته مصلحت ئې نه کړاى
په مخ څپېړه واي هغوته چه خدمت ئې نه کړاى
دعلم پوهې په معيارئې هرمقام ټاکلى
پروادزوراوزرلحاظ دمال دولت ئې نه کړاى
بېلګې دننګ ئې دميرويس اواحمدخان درلوداى
هغسې څوک چه ئې پاک زړه اوکلک ايمان درلوداى
جرمني ـ اوفن باخ
06.06.2013