ای بندي د زمانې دود او دستور
ته بې وسې ، نا علاجه یې صبور
دهجرا ن او د غربت په دام اسیرې
د وطن تیارو حالاتو کړې مجبور
ای همرازه د طبیعت د ښکلا ګانو
ته سپیڅلې ته الماس د کوې تور
ته پخپله ځانله عزم اراده شه
ترغلام حلقه به ګوش ښه دی باتور
افتخار په هغه پوهه او طبیب شه
چې په ښه نسخه علاج کړي د رنځور
چې په پوهه لار پیدا کړي د رازونو
لوړ همت شي ، افتخار شي د غرور
نن نړۍ لوړ اسما نو ته لارې باسي
موږلا اوس پلارنی ورور ګنو تربور
ستا احاساس کې د وطن مینه ځلیږي
ته ځلانده ، سره لمبه یې د سرور
ستا په ګوتو او قلم کې برکت شته
افغاني مینه، احساس لیکه ضرور
---------------------------------
۱۷ / ۱ / ۲۰۱۴
م ۰ کال