متن ؛ دا وطن لکه زیندان دی !؟
لوی قیامت په د وطن کې روان دی
څه بی ځایه ځوانان مري ارمان ارمان دی
هر خواکې روان د غم جنګ دی
زړونو مو نیولی د وینو زنګ دی
هر چاته چی ګوری مړاوي پړاوي ښکاري
ورنه ورک د انقلاب غورزنګ دی
خوار غریب ته دا وطن نن لکه زیندان دی
څه بی ځایه ځوانان مري ارمان ارمان دی
د جنګ جګړو له لاسه هر سړی دردیږي
د بی ځایه دسیسو له لاسه نن افغانان قتلیږي
څه درد ناک حالت راغلی یو ورور بل ورور
ته ګوته په ماشه ناست ده ناحقه وژلکیږي
د ټوپک په زور هر سړی نن قومندان دی
څه بی ځایه ځوانان مري ارمان ارمان دی
لګیدلی په ړندو بمونو هر کور دی
بل کړی په وطن نورو خلکو دا ور دی
افغانان په کې ناهقه بی ګناه سوزیږي
نن د جنګي جنانیت کارانو دوران زور دی
د چا لاس نن خالي ده کور یی وران دی
څه بی ځایه ځوانان مري ارمان ارمان دی
دلته هر څوک د پردیو په زور واکداران شوی دي
که وزیر یا والي ده ټول اجیڼټان شوی دي
لاندی ځمکه پاس اسمان راته په قار دی
افغانان ګنس او ګیچ یا غي باغي په غلتو لارو روان شوی دي
ذبیح لله اوس نه معلومیږي څوک غل څوک پاسبان دی
څه بی ځایه ځوانان مري ارمان ارمان دی